Եվրո-2024. Ֆյուլկրուգը փրկեց Գերմանիայի դեմքը` 90+2-րդ րոպեին ոչ-ոքի պարգևելով Շվեյցարիայի դեմ խաղում 🎥

Եվրո-2024-ի A խմբի երրորդ տուրում Ֆրանկֆուրտում միմյանց դեմ մրցեցին Շվեյցարիայի ու Գերմանիայի հավաքականը։

Առաջ ընկնելով` նշենք, որ բավական լարված ու ծանր հանդիպում ստացվեց, որն ունեցավ դրամատիկ ավարտ։

Շվեյցարացիները 28-րդ րոպեին Դեն Նդոյեի խփած գոլի շնորհիվ հաղթում էին, սակայն «բունդեսմանշաֆթը» 90+2-րդ րոպեին Նիկլաս Ֆյուլկրուգի ջանքերով ոչ-ոքի կորզեց. հանդիպումն ավարտվեց 1:1 հաշվով։

A խմբի մյուս խաղում Հունգարիան 1:0 հաշվով հաղթեց Շոտլանդիային։

Խումբը վերջնական ստացավ հետևյալ տեսքը.

1. Գերմանիա – 7 միավոր
2. Շվեյցարիա – 5
3. Հունգարիա – 3
4. Շոտլանդիա – 1

Այսպիսով, Գերմանիայի ու Շվեյցարիայի հավաքականները դուրս եկան Եվրո-2024-ի 1/8 եզրափակիչ։ Երրորդ տեղը զբաղեցրած Հունգարիայի հավաքականի ճակատագիրը պարզ կդառնա միայն խմբային փուլի ավարտին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am