Եվրո-2024. Իսպանիան խոշոր հաշվով հաղթեց Վրաստանին` դուրս գալով 1/4 եզրափակիչ 🎥
Եվրո-2024-ի 1/8 եզրափակիչում Իսպանիայի հավաքականը Քյոլնի «Ռեյն Էներգի» մարզադաշտում մրցեց Վրաստանի թիմի դեմ։
Հանդիպումը բավական անսպասելի մեկնարկ ունեցավ, քանի որ Վրաստանի հավաքականը 18-րդ րոպեի Ռոբին Լե Նորմանի ինքնագոլի ջանքերով առաջ անցավ հաշվի մեջ։
Այդուհանդերձ, նույնիսկ արագ բաց թողած գոլը չխանգարեց Իսպանիայի հավաքականի ֆուտբոլիստներին, որոնք հանդիպման մեծ մասում ունեին տոտալ առավելություն` հաղթելով խոշոր` 4:1 հաշվով։
Լուիս դե լա Ֆուենտեի գլխավորած հավաքականից մեկական գոլ խփեցին Ռոդրին, Ֆաբիան Ռուիսը, Նիկո Վիլիամսն ու Դանի Օլմոն։
Այսպիսով, «ֆուրիա ռոխան» պայքարը կշարունակի մրցաշարի քառորդ եզրափակիչում, որտեղ մրցելու է Եվրոյի տանտեր Գերմանիայի հավաքականի դեմ։ Վրաստանի հավաքականը լքեց մրցաշարը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am