Եվրո-2024. Եզրափակիչի մրցավարական անձնակազմը

ՈՒԵՖԱ-ի պաշտոնական կայքը հրապարակել է Գերմանիայում ավարտվող ֆուտբոլի Եվրոպայի առաջնության եզրափակիչի մրցավարական անձնակազմը.

Գլխավոր մրցավար – Ֆրանսուա Լետեսյե (Ֆրանսիա)

Եզրային մրցավարներ – Սիրիլ Մունյե, Մեհդի Ռամունի (երկուսն էլ` Ֆրանսիա)

Չորրորդ մրցավար – Շիմոն Մարչինյակ (Լեհաստան)

Պահեստային մրցավար – Տոմաշ Լիստկևիչ (Լեհաստան)

VAR համակարգի պատասխանատուներ – Ժերոմ Բրիզար, Վիլի Դելաժո (երկուսն էլ` Ֆրանսիա), Մասիմիլիանո Իռատի (Իտալիա)

Նշենք, որ Ֆրանսուա Լետեսյեն Եվրոպայի ընթացիկ առաջնությունում սպասարկել է երեք հանդիպում` ֆուտբոլիստներին ցույց տալով 10 դեղին քարտ։

Ֆրանսիացի մրցավարը կարիերայում երկու անգամ սպասարկել է Ֆրանսիայի գավաթի խաղարկության եզրափակիչը, մեկ անգամ` ՈՒԵՖԱ-ի Սուպերգավաթի հանդիպումը։

35-ամյա մրցավարն ամբողջ կարիերայում աշխատել է 313 խաղում, ցույց տվել 1171 դեղին, 85 կարմիր քարտ, 108 անգամ նշանակել 11-մետրանոց։

Հիշեցնենք, որ Եվրո-2024-ի եզրափակիչում հուլիսի 14-ին միմյանց դեմ են մրցելու Իսպանիայի ու Անգլիայի հավաքականները։ Հանդիպումը կայանալու է Բեռլինի «Օլիմպիաշտադիոն» մարզադաշտում` Երևանի ժամանակով 23:00-ից սկսած։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am