Եվրոպայի գործող չեմպիոնները նույնպես կմեկնեն Գերմանիա. Իտալիան նվաճեց Եվրո-2024-ի ուղեգիր

Եվրո-2024-ի որակավորման փուլի վերջին` 10-րդ տուրում Իտալիայի հավաքականը C խմբի շրջանակում Գերմանիայի Լևերկուզեն քաղաքի «Բայ Արենա» մարզադաշտում մրցեց Ուկրաինայի ընտրանու դեմ։

Չնայած հանդիպման ընթացքում «սկուադրա աձուրին» ուներ խաղային շոշափելի առավելություն, միևնույնն է, չկարողացավ կոտրել մրցակցի դիմադրությունը. գրանցվեց 0:0 հաշիվը։

C խմբում կայացել է ևս մեկ հանդիպում.

Հյուսիսային Մակեդոնիա 1:1 Անգլիա

Խումբը վերջնական ստացավ հետևյալ տեսքը.

1. Անգլիա – 20
2. Իտալիա – 14
3. Ուկրաինա – 14
4. Հյ. Մակեդոնիա – 8
5. Մալթա – 0

Այսպիսով, այս խմբից Եվրո-2024-ի ուղեգիր նվաճեցին Անգլիայի ու Եվրոպայի գործող չեմպիոն Իտալիայի հավաքականը։

Ուկրաինան էլ մասնակցելու է անցումային հանդիպումների և շարունակում է պահպանել Եվրոպայի առաջնության խմբային փուլի ուղեգիր նվաճելու հնարավորություն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am