Դրամա «Էնֆիլդում»! ՊՍԺ-ն 11-մետրանոցներով հաղթեց «Լիվերպուլին» 🎥

Չեմպիոնների լիգայի 1/8 եզրափակիչի պատասխան խաղում «Էնֆիլդ Ռոուդ» ստադիոնում միմյանց դեմ մրցեցին «Լիվերպուլն» ու ՊՍԺ-ն։

Հիշեցնենք, որ դիմամայության առաջին խաղում «Լիվերպուլը» Փարիզում հաղթել էր 1:0 հաշվով։

Դիմակայության պատասխան խաղում էլ 1:0 հաշվով հաղթեց «Պարի Սեն-Ժերմենը». 12-րդ րոպեին աչքի ընկավ Ուսման Դեմբելեն։

Հանդիպումը շարունակվեց լրացուցիչ ժամանակում, սակայն կողմերին վիճակված չէր հաղթանակ կորզել։

Ակումբները հաղթողին պարզելու համար իրացրին հետխաղյա 11-մետրանոցներ։ Փարիզյան ակումբը հաղթեց 4:1 հաշվով և դուրս եկավ մրցաշարի քառորդ եզրափակիչ։

ՊՍԺ-ի դարպասապահ Ջանլուիջի Դոնառուման երկու սեյվ արեց և հետ մղեց մրցակցի հարձակվող Դարվին Նունյեսի ու կիսապաշտպան Կյորտիս Ջոնսի հարվածները։

Լուիս Էնրիկեի գլխավորած թիմը մրցաշարի հաջորդ փուլում կմրցի «Ասթոն Վիլա» – «Բրյուգե» զույգի հաղթողի դեմ։ Այդ դիմակայության առաջին խաղում «Վիլան» հաղթել է 3:1 հաշվով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից