Դումրիֆսի հիասքանչ երկու գոլերի շնորհիվ Ինտերը հաղթեց Ատալանտային` դուրս գալով Սուպերգավաթի եզրափակիչ 🎥

Սաուդյան Արաբիայում մեկնարկել է Իտալիայի Սուպերգավաթի խաղարկությունը, որի առաջին կիսաեզրափակիչում Միլանի «Ինտերը» մրցեց «Ատալանտայի» դեմ։

Հանդիպման գրեթե ամբողջ ընթացքում «ներաձուրիներն» ունեին խաղային լուրջ առավելություն և հաղթեցին 2:0 հաշվով։

Սիմոնե Ինձզագիի գլխավորած թիմից հիասքանչ երկու գոլ խփեց նիդերլանդցի պաշտպան Դենզել Դումֆրիսը։

«Ինտերի» կազմից ամբողջ հանդիպմանը մասնակցեց նաև Հայաստանի ազգային հավաքականի նախկին ավագ Հենրիխ Մխիթարյանը։

Այսպիսով, «Ինտերը» երկրորդ տարին անընդմեջ դուրս եկավ Իտալիայի Սուպերգավաթի եզրափակիչ, որտեղ կմրցի «Յուվենտուս» – «Միլան» դիմակայության հաղթողի դեմ։ Երկրորդ կիսաեզրափակիչը կկայանա հունվարի 3-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից