Դորտմունդի Բորուսիան կորցրածը հետ բերելու փորձեր է անում 🎥

Գերմանական Բունդեսլիգայի 19-րդ տուրի շրջանակում Դորտմունդի «Բորուսիան» սեփական հարկի տակ մրցեց «Աուգսբուրգի» դեմ և կարողացավ կամային հաղթանակ տանել՝ առավելության հասնելով 3։1 հաշվով։

Հանդիպման 10 րոպեին խաղի հաշիվը բացեց հյուրերի կիսապաշտպան Անդրե Հանը՝ 0։1։

Դորտմունդյան ակումբի տղաները նետվեցին առաջ՝ կորցրածը հետ բերելու և 21-որ րոպեին 11-մետրանոց հարվածի իրավունք վաստակեցին։ Գնդակին մոտեցած Էրլինգ Հալադի հարվածից հետո՝ գնդակը դիպավ հորիզոնական դարպասաձողին։

Միայն 5 րոպա անց «իշամեղուները» կարողացան վերականգնել հաշվի հավասարությունը։ Ստանդարտի խաղարկումից հետո Մարկո Ռոյսի փոխանցումը հաջողությամբ եզրափակեց Թոմաս Դիլեյնին՝ 1։1։

Երկրորդ խաղակեսում հաջողությունը միայն տանտերերի կողմն էր։

Նախ՝ 63-րդ րոպեին Ջեյդոն Սանչոն առաջ մղեց իր թիմին (2:1), ապա՝ տանտերերի պաշտպան Ֆելիքս Ուդուոհայը դարձավ ինքնագոլի հեղինակ՝ ձևակերպելով հանդիպման վերջնահաշիվը՝ 3։1։

Այս հաղթանակից հետո Էդին Թերզիչի սաները վաստակեցին 32 միավոր և բարձրացան Բունդեսլիգայի 5-րդ հորիզոնական։

«Աուգսբուրգը», վաստակած 22 միավորով, հանգրվանել է 13-րդ հորիզոնականում։