Դինամո Դրեզդենի երկրպագուների գեղեցիկ քայլը․ նրանք 72 հազար տոմս են գնել՝ ակումբին օգնելու համար
25/12/2020 - 22:16
Դրեզդենի «Դինամոյի» երկրպագուները հայտնի են իրենց նվիրվածությամբ։ Գերմանիայի գավաթի շրջանակներում վերջերս կայացած տնային խաղում տեղի թիմը հյուրընկալեց Երկրորդ Բունդեսլիգայում հանդես եկեղ «Դարմշտադտ» ակումբին։
Խաղն ընթացավ դատարկ տրիբունաների ներքո, սակայն «Դինամոյի» երկրպագուները, իրենց սիրելի թիմին ֆինանսապես օգնելու նպատակով, գնեցին 72 հազար տոմս։
Հարկ է նշել, որ դրեզդենյան ակումբի մարզադաշտը (Ռուդոլֆ-Հարբիգ-շտադիոն) իրականում տեղավորում է ընդամենը 32 հազար հանդիսական։
Այդ խաղում տանտերերը պարտվեցին «Դարմշտադտին» 0։3 հաշվով։ Տեղեկացնենք նաև, որ Դրեզդենի «Դինամոն» խաղում է գերմանական Երրորդ Բունդեսլիգայում և այս պահին գլխավորում է մրցաշարային աղյուսակը։
# 2-րդ Բունդեսլիգա, 3-րդ Բուդեսլիգա, Դարմշտադտ, Դինամո Դրեզդեն