Դե Լիգտը չորեքշաբթի բուժզննում կանցնի Յուվենտուսում
16/07/2019 - 12:12
«Այաքսի» պաշտպան Մատեյս դե Լիգտի տեղափոխությունը «Յուվենտուս» հանգուցալուծվում է:
Ինչպես հայտնում է անվանի լրագրող Ջանլուկա դի Մարցիոն, այսօր հոլանդացի ֆուտբոլիստը կժամանի Թուրին, որպեսզի վաղը բուժզննում անցնի ակումբի բազայում:
Ավելի վաղ հայտնի էր դարձել, որ կողմերը համաձայնեցրել են տրանսֆերի բոլոր դետալները: Իտալացիները հոլանդական ակումբին կվճարեն 70 մլն եվրո, գումարած հավելավճարները: Ֆուտբոլիստի պայմանագրում հրաժարագրի գումարի չափը կկազմի 150 մլն եվրո:
# Այաքս, Մատեյս-դե-Լիգտ, Յուվենտուս, տրանսֆերներ