Դե Բրույնե. «Ատլետիկոն պաշտպանությունում ու կիսապաշտպանությունում խաղում էր 5 ֆուտբոլիստներով»
Չեմպիոնների լիգայի 1/4 եզրափակիչի առաջին հանդիպման շրջանակում «Մանչեսթեր Սիթին» սեփական հարկի տակ 1:0 հաշվով հաղթեց «Ատլետիկո Մադրիդին»։
Հանդիպումից հետո իր տպավորություններով է կիսվել «քաղաքաբնակների» կիսապաշտպան Կևին դե Բրույնեն.
«Առաջին խաղակեսը շատ ծանր ստացվեց, իսկ երկրորդում մի շարք գոլային պահեր ունեինք և լավ է, որ դրանցից մեկն իրացրինք։
«Ատլետիկոն» պաշտպանությունում ու կիսապաշտպանությունում խաղում էր 5 ֆուտբոլիստներով։
Այն մարդիկ, ովքեր դժգոհում են մեր խաղից, խորհուրդ եմ տալիս գոնե մեկ անգամ մարզման ժամանակ խաղալ «Ատլետիկոյի» դեմ։
Մենք պետք է հանգստություն պահպանեինք և չխաղայինք մրցակցի սցենարով։ Նույն ընթացքը կանխատեսում եմ նաև պատասխան խաղում, սակայն նրանք ստիպված կլինեն ավելի շատ գրոհել»,- բելգիացի ֆուտբոլիստի խոսքերը մեջբերում է BBC Sport-ը։
Հիշեցնենք, որ «Մանչեսթեր Սիթին» հենց Կևին դե Բրույնեի խփած միակ գոլի շնորհիվ հաղթեց մադրիդյան ակումբին։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Ատլետիկո Մադրիդ, Կևին դե Բրոյնե, Մանչեսթեր-Սիթի, Չեմպիոնների-լիգա