Գրիզմանի հերթական բենեֆիսը. Ատլետիկոն հաղթեց Սլովանին 🎥

Չեմպիոնների լիգայի հիմնական փուլի 6-րդ տուրում Մադրիդի «Ատլետիկոն» սեփական դաշտում մրցեց Բրատիսլավայի «Սլովանի» դեմ։

Իսպանական գրանդը հանդիպման ամբողջ ընթացքում ուներ խաղային լուրջ առավելություն և հաղթեց 3:1 հաշվով։

«Հնդկացիներից» հերթական փայլուն հանդիպումն անցկացրեց Անտուան Գրիզմանը, որը դարձավ դուբլի հեղինակ։ Ֆրանսիացի հարձակվողը բոլոր մրցաշարերի նախորդ 5 խաղերում խփել է 7 գոլ։

Դիեգո Սիմեոնեի գլխավորած թիմից մեկ անգամ էլ աչքի ընկավ Խուլիան Ալվարեսը, իսկ «Սլովանից» աչքի ընկավ Դավիդ Ստրելեցը։

Սլովակիայի չեմպիոնի մեկնարկային կազմում էր նաև Հայաստանի ազգային հավաքականի կիսապաշտպան Տիգրան Բարսեղյանը, որը վնասվածք ստացավ և փոխարինվեց 35-րդ րոպեին։

«Ատլետիկոն» հաղթանակից հետո միավորների քանակը հասցրեց 12-ի և բարձրացավ 10-րդ տեղ։ «Սլովանը» 6-րդ անընդմեջ պարտությունը կրեց մրցաշարում ու եզրափակում է մրցաշարային աղյուսակը, 36-րդ տեղում է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից