Գվարդիոլա․ «Ես չէի ցանկանա հանդես գալ առանց հանդիսականների»
«Մանչեսթեր Սիթիի» գլխավոր մարզիչ Պեպ Գվարդիոլան դեմ է արտահայտվել այն մտքին, որ կորոնավիրուսի տարածման պատճառով հանդիպումները պետք է անցկացվեն առանց հանդիսականների․
«Իտալիայում առաջնությունը դադարեցվել է։ Իսպանիայում առաջիկա 2-3 շաբաթներին հանդես են գալու առանց երկրպագուների, և ես կարծում եմ, որ նման որոշում կկայացնեն նաև Անգլիայում, քանի որ վարակվածների թիվը կտրուկ աճում է։ Այդպես եղավ Իտալիայում և Իսպանիայում, այժմ նաև Անգլիայում է։
Խնդիրն այն է, որ արդյո՞ք արժե ֆուտբոլ խաղալ առանց երկրպագուների։ Մեր կատարած աշխատանքի հիմնական նպատակը մարդկանց ուրախացնել է։ Եթե նրանք չեն կարողանալու հաճախել մարզադաշտ, ապա խաղալու իմաստը կորչում է։ Ես չեմ ցանկանում որևէ մրցաշարի մասնակցել առանց երկրպագուների ներկայության»,- նշել է իսպանացի մասնագետն, ում խոսքերը մեջբերում է Hayters TV-ն։
# կորոնավիրուս, Մանչեսթեր-Սիթի, Պեպ Գվարդիոլա