Գվարդիոլան Տոտենհեմի դեմ խաղում դաշտ է դուրս բերել ԱՊԼ-ի երբևէ ամենաթանկարժեք կազմը

Անգլիական Պրեմիեր լիգայի 1-ին տուրի շրջանակում «Մանչեսթեր Սիթին» հյուրընկալվելիս 0:1 հաշվով պարտվեց «Տոտենհեմին»։

Ինչպես տեղեկացնում է The Sun-ը, «քաղաքաբնակների» գլխավոր մարզիչ Պեպ Գվարդիոլան այդ խաղում դաշտ է դուրս բերել Պրեմիեր լիգայի երբևէ ամենաթանկարժեք կազմը։

«Սիթիի» մեկնարկային կազմի ֆուտբոլիստների ընդհանուր արժեքը եղել է 622 մլն եվրո, ինչն առաջնության շրջանակում ռեկորդային ցուցանիշ է։

Եվս 346 մլն եվրո արժողությամբ կազմ էլ նստած է եղել պահեստայինների նստարանին։

Հավելենք, որ հեղինակավոր Transfermarkt կայքը «Մանչեսթեր Սիթիի» ընդհանուր տրանսֆերային արժեքը գնահատում է 1.06 մլրդ եվրո։ Այդ ցուցանիշով մանկունյական ակումբն աշխարհում ամենաթանկարժեք կազմ ունի։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am