Գվարդիոլան Մեսսիին խորհուրդ է տվել մնալ Բարսելոնայում
Ինչպես գիտեք, «Բարսելոնայի» ավագ Լեո Մեսսին ակումբից հեռանալու ցանկություն է հայտնել, իսկ նրա հաջորդ հավանական ակումբը կարող է դառնալ «Մանչեսթեր Սիթին», սակայն այդ հարցում կարող են խնդիրներ առաջանալ:
Վերջերս հայտնի էր դարձել, որ «քաղաքաբնակների» գլխավոր մարզիչ Պեպ Գվարդիոլան ժամանել է Բարսելոնա: Նշվում էր, որ իսպանացի մասնագետը պայմանավորվել է հանդիպել Մեսսիի հետ, սակայն, ինչպես տեղեկացնում է Mundo Deportivo-ն, կողմերը միայն հեռախոսազրույց են ունեցել:
Հեռախոսազրույցի ժամանակ 49-ամյա մարզիչը արգենտինացի ֆուտբոլիստին խորհուրդ է տվել մնալ «Բարսելոնայի» կազմում:
Ավելի վաղ էլ հայտնի էր դարձել, որ մանկունյական ակումբը չի փորձի գնել Մեսսիին, եթե ստիպված լինի նրա դիմաց գումար վճարել: Տեղափոխությունը հավանական կլինի միայն այն դեպքում, եթե Մեսսին անգլիական ակումբին միանա միայն անվճար, քանի որ միայն խաղացողի հավանական աշխատավարձը մեծ ֆինանսական բեռ կարող է դառնալ:
# Բարսելոնա, Լեո Մեսսի, Մանչեսթեր-Սիթի, Պեպ Գվարդիոլա, տրանսֆերներ