Գործարքը կայացած է. Պաու Տորեսը տեղափոխվում է Աստոն Վիլլա

«Վիլյառեալի» կենտրոնական պաշտպան Պաու Տորեսը կարիերան կշարունակի «Աստոն Վիլլայի» կազմում։

Ինչպես տեղեկացնում է ինայդեր Ֆաբրիցիո Ռոմանոն, գործարքի հարցում կողմերը հասել են վերջնական համաձայնության։

Աղբյուրի փոխանցմամբ` «առյուծները» գործարքի դիմաց վճարելու են իսպանացի ֆուտբոլիստի պայմանագրում առկա հրաժարագնից քիչ գումար, որը 45 մլն եվրո է։

Հաղորդվում է, որ Բիրմիմգհեմը ներկայացնող ակումբի գլխավոր մարզիչ Ունայի Էմերին շաբաթներ շարունակ կապի մեջ է եղել 26-ամյա պաշտպանի հետ` համոզելով նրան համալրել հենց «Վիլլայի» շարքերը։

Հատկանշական է, որ իսպանացի մասնագետը 2020-2022 թ. Տորեսի հետ աշխատել է հենց «Վիլյառեալի» կազմում։

Ինսայդեր Նիկոլո Սկիրան էլ հայտնում է, որ «Վիլլան» գործարքի դիմաց «դեղին սուզանավին» վճարելու է 40 մլն եվրո, իսկ Տորեսը նոր ակումբի հետ պայմանագիրը կնքելու է մինչև 2028 թ. հունիսի 30-ը։

Հավելենք, որ այս գործարքը դառնալու է «առյուծների» պատմության ամենաթանկարժեք տրանսֆերը, և կգերազանցի Էմիլիանո Բուենդիայի ռեկորդը, ում դիմաց 2021 թ. ամռանը «Նորվիչին» վճարել են 38,4 մլն եվրո։

Վերջում ավելացնենք, որ Պաու Տորեսը «Վիլյառեալի» սան է, որի կազմում անցկացրել է 173 հանդիպում` դառնալով 12 գոլի և 5 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am