Գորդոնի անհավատալի բենեֆիսը! «Նյուքասլը» Ադրբեջանում ջախջախիչ հաղթանակ տարավ 🎥
Չեմպիոնների լիգայի անցումային փլեյ-օֆֆ-ի առաջին խաղում «Նյուքասլը» Բաքվում 6:1 հաշվով ջախջախեց «Քարաբախին»։
Անգլիական ակումբից անհավատալի հանդիպում անցկացրեց Էնթոնի Գորդոնը, որը գրանցեց պոկեր` բոլոր գոլերը խփելով առաջին խաղակեսում։
24-ամյա վինգերը Չեմպիոնների լիգայի ընթացիկ խաղարկությունում խփած գոլերի քանակը հասցրեց 10-ի ու լավագույն ռմբարկուների պայքարում երկրորդ տեղ բարձրացավ։ Նա զիջում է միայն Մադրիդի «Ռեալի» հարձակվող Կիլիան Մբապեին, որն աչքի է ընկել 13 անգամ։
«Կաչաղակներից» մեկական անգամ էլ մրցակցի դարպասը գրավեցին Մալիկ Թիաուն ու Ջեյքոբ Մերֆին։
Ադրբեջանական ակումբի գոլը խփեց Էլվին Ջաֆարգուլիևը։
Դիմակայության պատասխան հանդիպումը կկայանա փետրվարի 24-ին «Սեյնթ Ջեյմս Պարկ» ստադիոնում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml