Բրոզովիչը մոտ է Ինտերից հեռանալուն

«Ինտերի» կիսապաշտպան Մարցելո Բրոզովիչն, ամենայն հավանականությամբ, կարիերան կշարունակի Սաուդյան Արաբիան ներկայացնող «Ալ Նասրի» կազմում։

Ինչպես տեղեկացնում է լրագրող Ջանլուկա Դի Մարցիոյի կայքը, կողմերն արդեն այսօր` հունիսի 26-ին, պետք է ավարտին հասցնեն գործարքը։

Սպասվում է, որ սաուդարաբական ակումբը գործարքի դիմաց «ներաձուրիներին» կվճարի 23 մլն եվրո։

Նշվում է, որ խորվաթ ֆուտբոլիստը «Ալ Նասրի» հետ կնքելու է 3 տարվա պայմանագիր, իսկ նրա տարեկան աշխատավարձը կկազմի 20 մլն եվրո։

Ինսայդեր Ֆաբրիցիո Ռոմանոն հաստատում է, որ «Ալ Նասրի» պատվիրակությունն այժմ Միլանում է և գործարքն իրականացնելու համար պատրաստվում են բանակցությունները շարունակել «Ինտերի» հետ։

Հաղորդվում է նաև, որ միլանյան ակումբը նույնպես կողմ է վաճառել 30-ամյա ֆուտբոլիտին, և այժմ շատ բան կախված է վերջինիս որոշումից։

Հիշեցնենք, որ «Ալ Նասրի» կազմում հանդես է գալիս նաև Կրիշտիանու Ռոնալդուն, իսկ վերջերս ակումբն ավարտին է հասցրել «Չելսիի» կիսապաշտպան Հակիմ Զիշեի տեղափոխության գործարքը։

Հավելենք, որ Մարցելո Բրոզովիչն «Ինտերի» կազմում հանդես է գալիս 2015 թ. հունվարից` անցկացրած 330 խաղում դառնալով 31 գոլի և 43 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am