Բրազիլիան Վինիսիուսի գոլի շնորհիվ հաղթեց` նվաճելով ԱԱ-2026-ի ուղեգիր 🎥
Աշխարհի 2026 թ. առաջնության հարավամերիկյան ընտրական մրցաշարի 16-րդ տուրում Բրազիլիայի ազգային հավաքականը Սան Պաուլոյի «Նեո Կիմիկա Արենա» ստադիոնում մրցել է Պարագվայի թիմի դեմ։
«Պենտակամպիոնները» կարողացել են Մադրիդի «Ռեալի» վինգեր Վինիսիուսի գոլի շնորհիվ հաղթել 1:0 հաշվով։
Բրազիլիացիները նոր գլխավոր մարզիչ Կառլո Անչելոտիի օրոք առաջին հաղթանակն են տարել, ընտրական մրցաշարում վաստակած միավորների քանակը հասցրել են 25-ի, երրորդ տեղում են ու ապահովել են տեղը Մունդիալում։ Պարագվայը 24 միավորով 5-րդն է ու նույնպես շատ մոտ է աշխարհի առաջնությանը որակավորվելուն։
Նշենք, որ Բրազիլիան միակ հավաքականն է, որը աշխարհի բոլոր 23 առաջնություններին էլ որոկավորվել է։ «Պենտակամպիոնները» երբեք բաց չեն թողել մրցաշարը։
Հավելենք, որ ընտրական այս գոտուց ԱԱ-2026-ի ուղեգիր արդեն նվաճել են նաև Արգենտինայի ու Էկվադորի հավաքականները։ Կորակավորվեն նաև 4-6-րդ տեղերը գրաված թիմերը, իսկ 7-րդ տեղը զբաղեցրած հավաքականը կմասնակցի միջամայրցամաքային անցումային փլեյ-օֆֆ-ին։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից