Բուսկետս․ «Բարսելոնան կազմի հետ կապված լուրջ խնդիրներ ունի»
Կատալոնական «Բարսելոնայի» կիսապաշտպան Սերխիո Բուսկետսը մեկնաբանել է Չեմպիոնների լիգայի 1/8 եզրափակչի «Նապոլիի» դեմ առաջին խաղը, որն ավարտվել է 1։1 հաշվով։
«Շատ դժվար էր ազատ տարածություններ գտնել։ Մրցակիցը բազմաշերտ պաշտապանողական մարտավարությամբ էր հանդես գալիս։ Մենք արժանի չէինք գոլ բաց թողնելու։ Նրանք օգտվեցինք Խունիոր Ֆիրպոյի թույլ տված սխալից և ամեն ինչ շատ լավ լուծեցին։
Բաց թողած գոլից հետո հասկացանք, որ «բաց» խաղ է ընթանալու։ Մենք սկսեցինք ավելի շատ ազատ տարածություններ ստանալ և դարձանք գոլի հեղինակ։
Պատասխան խաղից առաջ «Բարսելոնան» կազմի հետ կապված լուրջ խնդիրներ ունի։ Մենք սահմանափակ թվով խաղացողներ ունենք և պետք է կարողանանք կրկին մեզ տրամադրել խաղին։ Սակայն, կարծում եմ, որ կարող ենք գործը գլուխ բերել»,- իսպանացի կիսապաշտպանի խոսքը մեջբերում է Marca պարբերականը։
# Բարսելոնա, Նապոլի, Չեմպիոնների-լիգա, Սերխիո Բուսկետս