Բորուսիայի սպրոտային տնօրենը, հնարավոր է, հայտնվի Բարսելոնայում

Բորուսիայի սպրոտային տնօրենը, հնարավոր է, հայտնվի Բարսելոնայում

11/12/2020 - 13:46

«Բարսելոնայի» նախագահի մի շարք թեկնածուներ դիտարկում են «Բորուսիա Դորտմունդի» սպորտային տնօրեն Միխայիլ Ցորկին հրավիրել կատալոնական ակումբ։

Իսպանացի լրագրող Օրիոլ Դոմենեկը «Onze» հաղորդաշարի ընթացքում բացատրեց, որ Ցորկը մասնակցելու է ընտրական քարոզարշավին, և կան մի շարք թեկնածուներ, ովքեր ընտրվելու դեպքում պատրաստվում են նրան աշխատանքի վերցնել՝ որպես սպորտային տնօրեն։

Սակայն, Դոմենեկը չի հստակեցնում և անուններ չի տալիս, թե կոնկրետ որ թեկնածուների մասին է խոսքը։

Միխայիլ Ցորկը իր ֆուտբոլային ամբողջ կարիերան անցկացրել է դորտմունդյան ակումբի կազմում։ Նա հանդես է եկել 1981-1998 թվականներին՝ խաղալով հենակետային կիսապաշտպանի դիրքում։ «Իշամեղուների» կազմում գերմանացի նախկին կիսապաշտպանն անցկացրել է 572 հանդիպում՝ դառնալով 159 գոլի և 31 գոլային փոխանցման հեղինակ։ Ցորկը 1998 թվականից մինչ օրս զբաղեցնում է «Բորուսիայի» սպորտային տնօրենի պաշտոնը։

Հիշեցնենք, որ «Բարսելոնայի» նախագահական ընտրությունները տեղի են ունենալու 2021 թվականի հունվարի 24-ին։

# , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023