Բոսնիացի ֆուտբոլիստը «Նոա» տեղափոխվելու համար մերժել է Բունդեսլիգա-2-ը ներկայացնող ակումբին

Բոսնիա և Հերցեգովինայի չեմպիոն «Զրինսկիի» հարձակվող Նարդին Մուլահուսեյնովիչը կարիերան կշարունակի «Նոայում», սոցցանցերում գրում է անվանի լրագրող Ռուդի Գալետին։

Հայաստանի չեմպիոնը 27-ամյա ֆուտբոլիստի համար մղվող պայքարում առաջ է անցել Բուդնեսլիգա-2-ը ներկայացնող «Կարլսռուեից»։

Գերմանական ակումբը նույնպես հավակնում էր նրա հետ պայմանագիր կնքելուն, սակայն բոսնիացի հարձակվողը նախընտրել է տեղափոխվել «Նոա»։

Հուլիսի 31-ին Մուլահուսեյնովիչը բուժզննում կանցնի հայկական ակումբի հետ և 3 տարվա պայմանագիր կստորագրի։

Նշենք, որ Մուլահուսեյնովիչը մինչև 2026 թ. մայիսի 31-ը գործող պայմանագիր ունի «Զրինսկիի» հետ։ «Նոան», ամենայն հավանականությամբ, կգնի նրա տրանսֆերային իրավունքը ։

Նարդին Մուլահուսեյնովիչը «Զրինսկիում» հանդես է գալիս 2024 թ. փետրվարից և նախորդ մրցաշրջանում 37 խաղում 16 գոլ է խփել, կատարել 5 ասիստ։

Նախկինում հարձակվողը խաղացել է նաև սլովենական «Կոպերում», «Մարիբորում», «Մուրայում», բոսնիական «Բրատստվո Գրաչանիցայում», «Սարաևոյում», ԳՈՇԿ-ում և Մախաչկալայի «Դինամոյում» (Ռուսաստան)։

Ֆուտբոլիստի տրանսֆերային արժեքը Transfermarkt-ը գնահատում է 800 հազար եվրո։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից