Բոնեկ. «Վախենամ` «Ոսկե գնդակը» Մեսսին ստանա»

«Յուվենտուսի» և «Ռոմայի» նախկին կիսապաշտպան Զբիգնև Բոնեկը, ով ներկայումս ՈՒԵՖԱ-ի փոխնախագահն է, կիսվել է այն կարծիքով, թե 2021 թ. ով պետք է ստանա «Ոսկե գնդակը»։

«Եթե Եվրոպայի առաջնության եզրափակիչում Ժորժինիոն իրացներ վճռորոշ հարվածը, ապա կստանար «Ոսկե գնդակը», սակայն դրա փոխարեն նա առաջին պլան մղեց Ջանլուիջի Դոնարումային։

Աֆրիկայում և Ամերիկայում գիտեն միայն Լեո Մեսսին ու Կրիշտիանու Ռոնալդուին։ Վախենամ` Մեսսին, ով հաղթել է Կոպա Ամերիկան, ստանա «Ոսկե գնդակը»։

Ըստ իս` երեք ֆուտբոլիստներ կան, ովքեր կարող են ստանալ մրցանակը` Ժորժինիոն, Մեսսին ու Լևանդովսկին։

Կարծում եմ` Ռոբերտն ավելի լավն է։ Չգիտեմ, թե ինչու նախորդ տարի նրան չտվեցին մրցանակը, երբ նա, իրոք, լավ էր խաղում և հաղթեց ամեն ինչ։

Մրցանակը պետք է ստանա այնպիսի մարդ, ով ակումբի հետ որևէ արժեքավոր տիտղոս է նվաճել։ Բոլորս գիտենք, որ Մեսսին այլ մակարդակի ֆուտբոլիստ է, սակայն Ժորժինիոն ամեն ինչ հաղթել է։

Ամեն դեպքում, երկրպագելու եմ Լևանդովակուն»,- լեհ ֆունկցիոների խոսերը մեջբերում է TMW-ն։

Հավելենք, որ France Football-ը 2021 թվականին մրցանակը հանձնելու է նոյեմբերի 29-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am