Բոկա Խունիորսը 11-մետրանոցներով հաղթեց Բարսելոնային` հաղթելով Մարադոնայի գավաթը🎥

14/12/2021 - 23:26

Սաուդյան Արաբիայի մայրաքաղաք Էր Ռիյադի «Մրսուլ Պարկ» մարզադաշտում «Բարսելոնան» ու «Բոկա Խունիորսն» ընկերական հանդիպում անցկացրին, որը նվիրված էր արգենտինացի լեգենդար նախկին ֆուտբոլիստ Դիեգո Արմանդո Մարադոնային։

Հանդիպման հիմնական ժամանակի ընթացքում կողմերը փոխանակվեցին մեկական գնդակով. 50-րդ րոպեին «Բարսելոնային» առաջ մղեց Ֆերրան Յուտգլան, իսկ 77-րդ րոպեին «Բոկայի» պատասխան գնդակը խփեց Էզեկիել Սեբալիոսը։

Հաղթողի համար կողմերն իրացրին 11-մետրանոցներ, իսկ «վիճակակախաղի» ժամանակ ավելի դիպուկ գտնվեցին արգենտինական ակումբի ֆուտբոլիստները` հաղթելով 4:2 հաշվով։

«Բոկայի» ֆուտբոլիստները դիպուկ իրացրին իրենց բոլոր հարվածները, իսկ կատալոնական ակումբի կազմից վրիպեցին Մաթեուս Պերեյրան ու Գիլեմ Խայմեն։

Այսպիսով, «Բոկա Խունիորսը» հաղթեց «Մարադոնայի գավաթը»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# Բարսելոնա, Բոկա Խունիորս, Գիլեմ Խայմե, Դիեգո Արմանդո Մարադոնա, Էզեկիել Պալասիոս, ընկերական-հանդիպումներ, Խավի, Մաթեուս Պերեյրա, Մարադոնայի գավաթ, Ֆերրան Յուտգլա