Բոլոր ժամանակների լավագույն դարպասապահներն՝ ըստ La Gazetta dello Sport-ի
Իտալական La Gazzetta dello Sport մարզական օրաթերթը հարցում է անցկացնել՝ պարզելու բոլոր ժամանակենրի լավագույն դարպասապահին։
Հարցմանը մասնակցել են 18 դարպասապահներ աշխարհի 18 երկրներից, որոնց թվում են եղել նաև Մանուել Նոյերը, Ժուլիո Սեզարը և Պետեր Շմեյխելը։
Հաղթող է ճանաչվել «Յուվենտուսի» դարպասապահ Ջանլուիջի Բուֆոնը․ նրա օգտին քվեարկել է 7 հոգի։ Նրան հաջորդել է ռուս աշխարհահռչակ դարպասապահ Լև Յաշինը (5 ձայն), երրորդը Իտալիայի հավաքականի նախկին դարպասապահ Դինո Ձոֆն է (2 ձայն)։
Մեկական ձայն են հավաքել Գորդոն Բենքսը, Իկեր Կասիլիասը, Զեպ Մայերը, Լադիսլաո Մազուրկևիչը, Ռոժերիո Սենին, Կլաուդիո Տաֆերալը և Պետեր Շմեյխելը։
«Ջիջին անկրկնելի է։ Նա միշտ ինձ համար օրինակ է եղել թե՛ խաղադաշտում, թե՛ նրա սահմաններից դուրս՝ շնորհիվ իր բնավորության»,- ասել է Մյունխենի «Բավարիայի» դարպասապահ Մանուել Նոյերը, ով քվեարկել է Բուֆոնի ու Յաշինի օգտին։
# Բավարիա, Գորդոն Բենքս, Դինո Ձոֆ, Զեպ Մայեր, Իկեր Կասիլիաս, Լադիսլաո Մազուրկևիչ, Լև Յաշին, Կլաուդիո Տաֆերալ, Մանուել Նոյեր, Պետեր Շմեյխել, Ջանլուիջի-Բուֆոն, Ռոժերիո Սենի