Բլատեր. «ԱԱ-2026-ի եզրափակիչը Սուպերբոուլի կրկնօրինակն է լինելու»
ՖԻՖԱ-ի նախկին նախագահ Ժոզեպ Բլատերը կարծում է, որ ԱԱ-2026-ի եզրափակիչը Սուպերբոուլի կրկնօրինակն է լինելու.
«Ջրային դադարները միայն սկիզբն են։ Աշխարհի առաջնության եզրափակիչը ցույց կտա մրցաշարի իրական դեմքը։ Պատմության մեջ ամենաերկար ընդմիջումը։
ԱԱ-2026-ի եզրափակիչը Սուպերբոուլի կրկնօրինակն է լինելու։ Ո՞ւր ես գլորվում, ՖԻՖԱ»,- սոցցանցերում գրել է 90-ամյա ֆունկցիոները։
Սուպերբոուլն Ֆուտբոլի ազգային լիգայի (NFL) վճռորոշ հանդիպումն է, որի ընդմիջման ժամանակ ելույթ են ունենում համաշխարհային տարբեր աստղեր։
ԱԱ-2026-ի եզրափակիչի ընդմիջումը 15-ի փոխարեն կտևի 30 րոպե, որի ընթացքում ելույթ կունենան Ջասթին Բիբերը, Շակիրան, BTS-ը, Մադոնան, Burna Boy-ը, վենեսուելացի դիրիժոր Գուստավո Դուդամելը և PS22 երգչախումբը։
ԱԱ-2026-ի բոլոր հանդիպումների ընթացքում երկու անգամ տեղի է ունենում, այսպես կոչված, ջրային դադար, որը բազմաթիվ հեռուստաընկերություններ օգտագործել են կոմերցիոն նպատակով` հսկայական գումարների դիմաց ցուցադրելով գովազդ։
Մունդիալ-2026-ի եզրափակիչը կկայանա հուլիսի 19-ին Նյու Յորքի «Մեթլայֆ» ստադիոնում։ Միմյանց դեմ կմցրեն Իսպանիայի ու Արգենտիայի հավաքականները, մեկնարկը` ժամը 23:00-ին։
Ժոզեպ Բլատերը ՖԻՖԱ-ի նախագահ է եղել 1998-2015 թվականներին։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBm