Բիչախչյանի խաղընկերը մոտ է «Ռոմա» տեղափոխվելուն

Վարշավայի «Լեգիայի» պաշտպան Յան Զյուլկովսկին մոտ է կարիերան «Ռոմայում» շարունակելուն, հայտնում է ինսայդեր Ֆաբրիցիո Ռոմանոն։

20-ամյա ֆուտբոլիստի ծառայություններով հետաքրքրված է նաև Մյոնխենգլադբախի «Բորուսիան», սակայն նա ցանկանում է տեղափոխվել «Ռոմա»։

Հռոմեական ակումբը Զյուլկովսկիի տրանսֆերի հարցում առաջիկա ժամերին կշարունակի բանակցել «Լեգիայի» հետ։

Ինսայդեր Նիկոլո Սկիրայի տեղեկություններով` «ջալոռոսին» լեհ ֆուտբոլիստի տեղափոխության համար «բանակայիներին» առաջարկել է 6 միլիոն եվրո և տարբեր պարգևավճարներ։

Երիտասարդ պաշտխանը «Ռոմա» տեղափոխվելու դեպքում նոր ակումբի հետ 5 տարվա պայմանագիր կստորագրի։

Զյուլկովսկին «Լեգիայի» համակարգում է 2022 թ. հուլիսից և ակումբի հիմնական թիմում 35 խաղում 2 գոլ է խփել, կատարել 2 ասիստ։

Հիշեցնենք, որ «Լեգիայում» է հանդես գալիս նաև Հայաստանի ազգային հավաքականի կիսապաշտպան Վահան Բիչախչյանը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից