Բետիս – Սևիլիա հանդիպումն անավարտ է մնացել. փայտով հարվածել են Ժորդանի գլխին🎥

Բետիս – Սևիլիա հանդիպումն անավարտ է մնացել. փայտով հարվածել են Ժորդանի գլխին🎥

16/01/2022 - 11:47

Իսպանիայի գավաթի 1/8 եզրափակիչի շրջանակում պետք է կայանար «Բետիս» – «Սևիլիա» հանդիպումը, սակայն այն անավարտ է մնացել։

Հանդիպման 39-րդ րոպեին, երբ «Բետիսը» Նաբիլ Ֆեկիրի խփած գոլի ժամանակ տոնում էր հաջողությունը, «վարունգների» երկրպագուներից մեկը տրիբունայից փայտով հարվածել է «Սևիլիայի» կիսապաշտպան Ժոան Ժորդանի գլխին։

27-ամյա ֆուտբոլիստն այդ դրվագում վնասվածք է ստացել, ինչից հետո «Սևիլիայի» բուժանձնակազմը նրան օգնություն է ցույց տվել։

Երբ պարզ է դարձել, որ Ժորդանը չի կարող շարունակել հանդիպումը, նա ակումբի բժիշկների ուղեկցությամբ հեռացել է խաղադաշտից։

Հատկանշական է, որ Ժորդանի հեռանալու պահին «Բենիտո Վիլյամարին» մարզադաշտում հավաքված երկրպագուները սուլել են նրան։

Այդ դրվագից հետո հանդիպման գլխավոր մրցավար Ռիկարդո Բուրգոս Բենգոեչեան որոշել է ընդհատել հանդիպումը, սակայն հետագայում Իսպանիայի ֆուտբոլի ֆեդերացիան պաշտոնապես հայտնեց, որ խաղը չի շարունակվելու։

Նշենք, որ դեռևս անհայտ է, թե ինչ ճակատագիր է ունենալու այդ հանդիպումը։

Հավելենք, որ հանդիպման ընդհատման պահին հաշվիը եղել է 1:1։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023