Բելգիան վստահ հաղթեց Էստոնիային և նվաճեց ԱԱ ուղեգիր🎥

Աշխարհի 2022 թ. առաջնության որակավորման փուլի 9-րդ տուրում Բելգիայի հավաքականը E խմբի շրջանակում Բրյուսելում մրցեց Էստոնիայի ընտրանու դեմ։

Ռոբերտո Մարտինեսի սաները բավական վստահ տեսք ունեին և հաղթեցին 3:1 հաշվով։

«Կարմիր սատանաների» կազմից գոլերի հեղինակներ դարձան Քրիստիան Բենտեկեն, Յանիկ Ֆերեյրա Կարասկոն ու Տորգան Ազարը, իսկ հյուրերի միակ գոլը խփեց Էրիկ Սորգան։

Այս խմբում կայացել է ևս մեկ հանդիպում.

Ուելս 5:1 Բելառուս

E խումբը 9-րդ տուրից հետո ունի հետևյալ տեսքը.

1. Բելգիա – 19 միավոր
2. Ուելս – 14 միավոր
3. Չեխիա – 11 միավոր
4. Էստոնիա – 4 միավոր
5. Բելառուս – 3 միավոր

Այսպիսով, Բելգիայի հավաքականը որակավորման փուլի վերջին տուրից առաջ անհասանելի դարձավ մրցակիցների համար և նվաճեց աշխարհի առաջնության խմբային փուլի ուղեգիր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am