Բարտոմեու. «Բարսայում որոշ որոշումներ արդեն կայացված են»

Երեկ` օգոստոսի 14-ին, Չեմպիոնների լիգայի երրորդ քառորդ եզրափակչի շրջանակում «Բարսելոնան» Լիսաբոնում 2:8 հաշվով ջախջախիչ պարտություն կրեց «Բավարիայից» և լքեց պայքարը։

Խաղից հետո իր կարծիքն է արտահայտել «Բարսելոնայի» նախագահ Խոսեպ Մարիա Բարտոմեուն.

«Ծանր երեկո էր` ծանր պարտությամբ։ Ցավում երկրպագուների համար։ Մենք այն ակումբը չենք, որով ներկայացանք այսօր։ Ինձ համար շատ ցավոտ է այս ամենը։

Մենք մեր մակարդակով հանդես չեկանք. սա աղետ է։ Այժմ անհրաժեշտ է որոշումներ կայացնենք։ Որոշ մարդիկ դրանք իրենց գլխում են պահում և մենք դրանք շուտով կհրապարակենք, սակայն ոչ այսօր։

Որոշ որոշումներ արդեն կայացված են, իսկ որոշներն էլ` կկայացվեն։ Այդ ամենով ես կզբաղվեմ հաջորդ շաբաթվա ընթացքում և ես այսօր որևէ բան չեմ ասելու։ Այժմ պետք է ներողություն խնդրենք երկրպագուներկց։

Շնորհավորում եմ «Բավարիային»։ Նրանք արժանի էին կիսաեզրափակիչ դուրս գալուն։ Մյունխենյան ակումբը հիանալի հանդիպում անցկացրեց»,- Բարտոմեուի խոսքերը մեջբերում է Marca-ն։