Բարտոմեու․ «VAR-ը մշտապես որոշումներ է կայացնում միևնույն թիմի օգտին»
«Բարսելոնայի» նախագահ Խոսեպ Մարիա Բարտոմեուն կարծում է, որ տեսակրկնությունների VAR համակարգը մշտապես որոշումներ է կայացնում «Ռեալի» օգտին։
«Ես «Ռեալ» – «Ատլետիկ» հանդիպումը դիտել եմ գրեթե մինչև երկրորդ խաղակեսը։ Ես ինձ վատ եմ զգում, քանի որ մենք ունենք աշխարհի լավագույն առաջնությունը, սակայն կորոնադադարից հետո VAR համակարգը անարդար որոշումներ է կայացնում։ Այդ ամենը մի քանի հանդիպումներում ազդեցություն ունեցավ արդյունքի վրա և մշտապես որոշումներ է կայացնում միևնույն թիմի օգտին»,- Բարտոմեուի խոսքերը մեջբերում է Goal.com-ը։
Հիշեցնենք, որ նախքան կորանադադարը «Բարսելոնան» երկու միավորի տարբերությամբ գլխավորում էր մցաշարային աղյուսակը, սակայն առաջնության վերսկսումից հետո «Ռեալը» տարել է 7 անընդմեջ հաղթանակ՝ ունենալով 4 միավորի առաելություն մոտակա հետապնդող «Բարսելոնայից»։
# Բարսելոնա, Լա-լիգա, Խոսեպ Մարիա Բարտոմեու, Ռեալ Մադրիդ