Բարսեղյանի խաղընկերը խոշոր գումարով տեղափոխվել է Անգլիա

Բրատիսլավայի «Սլովանի» հարձակվող Դավիդ Ստրելեցը տեղափոխվել է «Միդլսբրո», հայտնում է անգլիական ակումբի պաշտոնական կայքը։

Կողմերը 5 տարվա պայմանագիր են ստորագրել։

Transfermarkt-ի տվյալներով` Չեմպիոնիփը ներկայացնող ակումբը սլովակ հարձակվողի տրանսֆերը գնել է 7,5 միլիոն եվրոյով։

Այս գործարքը դարձել է «Սլովանի» պատմության մեջ տրանսֆերի ամենաթանկ վաճառքն ու գերազանցել Անդրաժ Շպորարի ռեկորդը։ 2020 թ. հունվարին Լիսաբոնի «Սպորտինգը» սլովենացի հարձակվողին ձեռք էր բերել 6 միլիոն եվրոյով։

Դավիդ Ստրելեցը «Սլովանում» 170 խաղում 62 գոլ է խփել, կատարել 28 ասիստ։

Հիշեցնենք, որ «Սլովանում» հանդես է գալիս Հայաստանի ազգային հավաքականի կիսապաշտպան Տիգրան Բարսեղյանը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am