Բարսելոնան պատրաստվում է Ռեալի ձեռքից փախցնել Մբապեին

Բարսելոնան պատրաստվում է Ռեալի ձեռքից փախցնել Մբապեին

22/10/2021 - 11:23

«Բարսելոնան» մտադիր է «Ռեալ Մադրիդի» հետ պայքարել ՊՍԺ-ի հարձակվող Կիլիան Մբապեի հետ պայմանագիր կնքելու համար, ով հաջորդ ամառային տրանսֆերային պատուհանի ժամանակ, ամենայն հավանականությամբ, ազատ գործակալի կարգավիճակով կհեռանա փարիզյան ակումբից։

Ինչպես տեղեկացնում է AS-ը` հղում կատարելով կատալոնական ակումբին մոտ կանգնած աղբյուրներին, «Բարսելոնան» պատրաստ է 90 մլն եվրո վճարել Մբապեին, եթե վերջինս պայմանագիր կնքի «բլաուգրանասի» հետ։

«Կապտանռնագույնները» կարծում են, որ «Ռեալը» ֆրանսիացի հարձակվողին պատրաստ է առաջարկել միայն 50 մլն եվրո։

Բացի դրանից, «Բարսելոնան» պատրաստ է 22-ամյա ֆուտբոլիստին վճարել ավելի շատ աշխատավարձ, քան «արքայական» ակումբը։

«Ռեալը», ըստ էության, Մբապեին չի կարող առաջարկել 17 մլն եվրոյից ավելի աշխատավարձ, քանի որ ակումբում արդեն այդքան վաստակում է Գարեթ Բեյլը։

Դրան զուգահեռ, մադրիդյան ակումբն էլ համոզված է, որ Մբապեն հենց իր շարքերն է համալրելու և կմերժի ՊՍԺ-ի` պայմանագրի երկարաձգման նույնիսկ կարժամկետ բոլոր առաջարկները։

Հիշեցնենք, որ դեռ նախորդ ամռանը Կիլիան Մբապեն շատ մոտ էր «Պարի Սեն-Ժերմենից» «Ռեալ» տեղափոխությանը, սակայն փարիզյան ակումբը մերժեց «սերուցքայինների» բոլոր երեք առաջարկներն էլ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023