Բարսելոնան քննարկում է Խավիին հրավիրելու տարբերակը
Կատոլանական «Բարսելոնայի» ղեկավարությունը լրջորեն մտահոգված է ակումբի գրանցած վերջին արդյունքները։ Ակումբում սկսել են քննարկել Էռնեստո Վալվերդեի հեռացումը։ Վալվերդեի հավանական թեկնածուն կատալոնական ակումբի լեգենդար կիսապաշտպան Խավին է, ով ներկա պահին աշխատում է Քաթարը ներկայացնող «Ալ-Սադում»՝ որպես գլխավոր մարզիչ։
Երեկ ակումբի գլխավոր տնօրեն Օսկար Գրաուն և սպորտային տնօրեն Էրիկ Աբիդալը մեկն էլ են Քաթարի մայրաքաղաք Դոհա և հանդիպել են 39-ամյա մասնագետի հետ, որպեսզի քննարկեն այդ հարցը։ Այս մասին տեղեկացնում է Mundo Deportivo-ն՝ հղում կատարելով RAC1 -ին։
Ինչպես նշում է աղբյուրը, կատալոնական ակումբը իր նախկին ֆուտբոլիստին առաջարկել է 2․5 տարվա պայմանագիր, եթե մասնագետը համաձայնի գլխավոր ակումբը այս պահին։ Սակայն, Խավին նախընտրում է ակումբը գլխավորել 2020 թվականի ամռանը։ Այդ դեպքում ակումբը նրան կառաջարկի 2 տարվա պայմանագիր։
Ներկայիս գլխավոր մարզիչ Էռնեստո Վալվերդեի ճակատագիրը կարծես թե վերջնական որոշված է․ հաջորդ մրցաշրջանում բասկ մասնագետը չի լինի ակումբի ղեկին։
# Ալ-Սադ, Բարսելոնա, Էռնեստո-Վալվերդե, Լա-լիգա, Խավի