Բարսելոնան Ռեալ Սոսիեդադի հետ համաձայնեցրել է Վիլիան Ժոզեի տրանսֆերը

Ինչպես տեղեկանցում է Mundo Deportivo-ն, կատալոնական «Բարսելոնան» «Ռեալ Սոսիեդադի» հետ սկզբունքային համաձայնության է հասել բրազիլացի կենտրոնական հարձակվող Վիլիան Ժոզեի տրանսֆերի հարցում։

Ըստ աղբյուրի՝ գործարքը կարժենա 35 մլն եվրո, որը խաղացողի պայամանագրում նշված հրաժարագնի կեսն է։ Սակայն, երկու կողմերն էլ դեռևս ժխտում են, որ հասել են համաձայնության խաղացողի տրանսֆերի հարցում։

Ընթացիկ մրցաշրջանում 28-ամյա հարձակվողը Լա լիգայի 22 խաղում դարձել է 8 գոլի հեղինակ։