Բարսելոնան պատրաստ է վաճառել Սամուել Ումտիտիին

Ինչպես տեղեկացնում է Sky Sports-ի լրագրող Նիկոլո Սկիրան, «Բարսելոնան» պատրաստ է վաճառել կենտրոնական պաշտպան Սամուել Ումտիտիին։

Ըստ աղբյուրի՝ 26-ամյա խաղացողի վաճառքից ակումբը մտադիր է ստանալ նվազագույնը 50-մլն եվրո։ Նշվում է, որ խաղացողի ծառայություններով հետաքրքրված է «Չելսին»։ Լոնդոնյան ակումբը մտադիր է կապվել խաղացողի գործակալի հետ, որպեսզի ավելի մանրամասն տեղեկատվություն ստանա խաղացողի մասին։

Ավելի վաղ խաղացողի ծառայություններով հետաքրքրված էր «Արսենալը», սակայն պաշտպանը որոշեց մնալ Կատալոնիայում։

Լա լիգայի ընթացիկ մրցաշրջանում ֆրանսիացի պաշտպանը մասնակցել է 11 հանդիպման։