Բարսելոնան պատրաստվում է մոտ օրերս վերսկսել մարզումները

«Բարսելոնայի» բոլոր ֆուտբոլիստները պետք է մինչև այս շաբաթվա կեսը վերադառնան ակումբի մարզաբազա։

Ինչպես տեղեկացնում է AS-ը, կատալոնական ակումբը մայիսի 6-ից սկսած պատրաստվում է թեստավորել ակումբի բոլոր ֆուտբոլիստներին։ Բացասական արդյունքից հետո նրանք կկարողանան անցկացնել անհատական մարզումներ։

«Կապտանռնագույնների» երկու ֆուտբոլիստներ՝ Ֆրենկի դե Յոնգն ու Մարտին Բրեյթվեյթը կարանտինի օրերին լքել են Բարսելոնան։

22-ամյա հոլանդացի կիսապաշտպանը վերադարձել էր Նիդեռնալնդներ, իսկ 28-ամյա դանիացի ֆուտբոլիստը՝ Մադրիդ, քանի որ «Բարսելոնա» տեղափոխությունից հետո նա չէր հասցրել գտնել բնակարան՝ բնակվելով հյուրանոցում։

Ակումբի ղեկավարությունը վստահ է, որ երկու ֆուտբոլիստներն էլ կկարողանան հաջողությամբ վերադառնալ մարզաբազա։