Բարսելոնան ու Տոտենհեմը հասել են համաձայնության

«Բարսելոնայի» պաշտպան Էմերսոն Ռոյալը կարիերան կշարունակի «Տոտենհեմի» կազմում։

Ինչպես տեղեկացնում է իտալացի ինսայդեր Ֆաբրիցիո Ռոմանոն, կողմերը ստորագրել են բոլոր անհրաժեշտ փաստաթղթերը. լոնդոնյան ակումբը 22-ամյա բրազիլացի ֆուտբոլիստի դիմաց վճարելու է 30 մլն եվրո` նրա հետ կնքելով 5 տարվա պայմանագիր։

Այդ գումարից 5 մլն եվրո էլ կստանա Էմերսոնի նախկին ակումբը` «Բետիսը»։

Երիտասարդ ֆուտբոլիստն օգոստոսի 31-ին բուժզննում կանցնի նոր ակումբի համար, կստորագրի պայմանագը և կդառնա «խցանների» ֆուտբոլիստ։

Հիշեցնենք, բրազիլացի աջ պաշտպանը դեռ 2019 թ. հունվարին էր համալրել «բլաուգրանասի» շարքերը, սակայն սկզբում վարձավճարով, այնուհետև մշտական հիմունքներով տեղափոխվեց «Բետիս»։

«Բարսելոնան» վերջերս 9 մլն եվրոյի դիմաց նրան հետ գնեց «Բետիսից» և կատալոնական ակումբի կազմում հասցրեց անցկացնել 3 պաշտոնական հանդիպում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am