Բարսելոնան միացել է Քրիստիան Էրիկսենի համար մղվող պայքարին

Ինչպես տեղեկացնում է Sky Sports-ը, կատալոնական «Բարսելոնան» նույնպես միացել է «Տոտենհեմի» կիսապաշտպան Քրիստիան Էրիկսենի համար մղվող պայքարին և ցանկանում է 27-ամյա կիսապաշտպանին ձեռք բերել ընթացիկ տրանսֆերային պատուհանի ժամանակ։

Աղբյուրի փոխանցմամբ, դանիացի ֆուտբոլիստը մտադիր է կարիերան շարունակել Միլանի «Ինտերի» կազմում։ Երեկ տեղեկատվություն էր տարածվել, որ «Տոտենհեմն» ու «Ինտերը» տրանսֆերի հարցում համաձայնության են հասել, իսկ խաղացողը ակումբի ղեկավարությանը խնդրել է իրեն բաց թողնել «Ինտեր»։ Գործարքը բոնուսների հետ միասին կարժենա 20 մլն եվրո։

Սակայն, երեկ կատալոնական «Բարսելոնան» նույնպես խառնվել է այս պայքարին՝ հարցում ուղարկելով «Տոտենհեմ»՝ խաղացողի արժեքը ճշտելու նպատակով։ Այլ մանրամանսներ չեն հաղորդվում։