Բարսելոնան համաձայնության էր հասել Սեդրիկ Բակամբուի հետ, սակայն վերջին պահին մտքափոխվել է
Կատալոնական «Բարսելոնան» վերջին քայլերն է գործադրում՝ կենտրոնական հարձակղվող ձեռք բերելու ուղղությամբ։
Catalunya Radio-ի հաղորդմամբ՝ երեկ «Բարսելոնան» համաձայնության էր հասել «Բեյցզին Գոան»-ի հարձակվող Սեդրիկ Բակամբուի հետ։ Ակումբը նախատեսել էր վարձակալել խաղացողին։
Խաղացողն արդեն եղել է Իսպանիայի ճանապարհին, որպեսզի ավարտին հասցնի գործարքը։ «Բարսայի» սպորտային տնօրեն Էրիկ Աբիդալը համաձայնության էր հասել խաղացողի գործակալի հետ, իսկ չինական ակումբի ղեկավարությունը տվել էր իր համաձայնությունը։
Աֆրիկացի 28-ամյա հարձակվողը Սեուլից թռել էր Բանկոգ, այտեղից էլ պիտի թռչեր Կատալոնիյաի մայրաքաղաք։ Սակայն, Բակամբուն այդպես էլ ինքնաթիռ չի նստել, քանի որ Էրիկ Աբիդալը նրան տեղեկացրել է, որ կատալոնական ակումբը մտքափոխվել է նրա հարցում։ Արդյունքում խաղացողը Սեուլ է վերադարձել, որտեղ ակումբի կազմում պատրաստվում է ասիական Չեմպիոնների լիգային։
Դեռևս հայտնի չեն հանգամանքները, որի պատճառով կատալոնական ակումբը հրաժարվել է ձեռքբերել հարձակվողին։
Բակամբուն Twitter-ի իր միկրոբլոգում կատակել է այս թեմայով՝ գրելով․
«Հե՜յ, transfermarkt, խնդրում եմ՝ իմ տրանսֆերային պատմության մեջ գրի՛ր «գրեթե Բարսելոնա», շնորհակալություն»: