Բարսելոնան հաղթեց Շախտյորին` ևս մեկ քայլով մոտենալով 1/8 եզրափակիչ դուրս գալուն🎥
Չեմպիոնների լիգայի 3-րդ տուրում «Բարսելոնան» H խմբի շրջանակում սեփական հարկի տակ մրցեց «Շախտյորի» դեմ։
«Բլաուգրանան» առաջին կեսում ուներ խաղային հսկայական առավելություն` նախքան ընդմիջում ստանալով երկու գնդակի առավելություն. 28-րդ րոպեին և 36-րդ րոպեներին աչքի ընկան համապաստախանաբար Ֆերրան Տորեսն ու Ֆերմին Լոպեսը։
Երկրորդ կեսի միջնամասում` 62-րդ րոպեին «հանքափորները», ինչպես ամպրոպ անամպ երկնքում, Գեորգի Սուդակովի ջանքերով մեկ գնդակ հետ բերեցին։
Հանդիպման մնացած ժամանակահատվածում էլ Խավիի թիմը հիմնականում վերահսկում էր խաղի ընթացքը` մոտեցնելով այն տրամաբանական ավարտին։
Այսպիսով, կատալոնական ակումբը հաղթեց 2:1 հաշվով։
H խմբում 3-րդ տուրի շրջանակում կկայանա ևս մեկ հանդիպում.
«Անտվերպեն» – «Պորտու»
Խումբը ներկա պահին ունի հետևյալ տեսքը.
- «Բարսելոնա» – 9 միավոր
- «Պորտու» (անցկացրած 2 հանդիպում) – 3
- «Շախտյոր» – 3
- «Անտվերպեն» (անցկացրած 2 հանդիպում) – 0
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am