Բարսելոնան ընդհատում է անհաջող հանդիպումների շարքը🎥

Իսպանական Լա լիգայի 9-րդ տուրի շրջանակում «Բարսելոնան» սեփական հարկի տակ 5։2 հաշվով վստահ հաղթանակ տարավ «Բետիսի» նկատմամբ։

Կատալոնական ակումբի կազմում դուբլի հեղինակ դարձավ Լեո Մեսսին, իսկ մեկական անգամ էլ աչքի ընկան Ուսման Դեմբելեն, Անտուան Գրիզմանը և Պեդրին։ Հանդիպման հյուրերի գոլերն էլ հեղինակեցին Անտոնիո Սանաբրիան և Լորենցո Մորոնը։

«Բարսելոնան» մինչև այս հանդիպումը Լա լիգայի շրջանակում վերջին 4 խաղերում չէր ճաշակել հաղթանակի բերկրանքը։ «Բլաուգրանասը» վաստակեց 11 միավոր և բարձրացավ 8-րդ հորիզոնական, իսկ «Բետիսը» 12 միավորով 7-րդն է։