Բարսելոնան բանավոր համաձայնության է հասել Այնտրախտի պաշտպանի տրանսֆերի հարցում

«Այնտրախտի» կենտրոնական պաշտպան Էվան Նդիկան, ամենայն հավանականությամբ, կարիերան կշարունակի «Բարսելոնայի» կազմում։

Ինչպես տեղեկացնում է Sport1-ը, ֆրանսիացի պաշտպանի ու «արծիվների» միջև գործող պայմանագիրն ավարտվում է 2023 թ. հունիսի 30-ին, որի երկարաձգման հավանականությունը բավական քիչ է։

Աղբյուրի փոխանցմամբ` ստեղծված իրավիճակից փորձում է օգտվել «Բարսելոնան» և ցանկանում է ազատ գործակալի կարգավիճակում պայմանագիր կնքել 23-ամյա ֆուտբոլիստի հետ։

Հաղորդվում է, որ Նդիկան «բլաուգրանային» արդեն բանավոր համաձայնություն է տվել և պատրաստ է կարիերան շարունակել կատալոնական ակումբի կազմում։

Հավելենք, որ Էվան Նդիկան «Այնտարխտի» կազմում հանդես է գալիս 2018 թ. հուլիսից` անցկացրած 168 խաղում դառնալով 10 գոլի և 10 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am