Բարսելոնան ավարտին է հասցրել գերմանական ֆուտբոլի գլխավոր տաղանդներից մեկի տրանսֆերը

Գերմանական Բունդեսլիգայում հանդես եկող «Ֆրայբուրգի» երիտասարդական թիմի հարձակվողական ոճի կիսապաշտպան Նոա Դարվիխը կարիերան կշարունակի «Բարսելոնայի» կամզում։

Ինսայդեր Ֆաբրիցիո Ռոմանոն հայտնում է, որ «բալուգրանան» ավարտի է հասցրել 17-ամյա ֆուտբոլիստի տրանսֆերը։

Գործարքի մասին պաշտոնապես կհայտարարվի մոտ ժամանակներս։

Նշենք, որ Դարվիխը համարվում է իր սերնդի ամենատաղանդավոր ֆուտբոլիստներից մեկը։

Վերջինս «Ֆրայբուրգի» համակարգում հանդես է գալիս 2017 թվականից, որի Մ-17 թիմի կազմում անցկացրել է 23 հանդիպում` դառնալով 9 գոլի և 5 գոլային փոխանցման հեղինակ։

Հավելենք, որ վերջերս Հունգարիայում կայացած Մ-17 Եվրոպայի առաջնության շրջանակում Դարվիխն ավագի թևկապով առաջնորդեց Գերմանիայի հավաքականին, որը դարձավ մրցաշարի չեմպիոն, իսկ ինքը` ֆուտբոլիստն, անցկացրած 6 խաղում խփեց 2 գոլ և կատարեց 4 գոլային փոխանցում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am