Բարսելոնայում կորոնավիրուսի լուրջ համաճարակ է. 7 ֆուտբոլիստներ վարակված են Covid-19-ով

«Բարսելոնան» լուրջ խնդրի առջև է կանգնել, քանի որ ակումբի միանգամից 7 ֆուտբոլիստներ վարալվել են կորոնավիրուսով։

Ակումբը նախ դեկտեմբերի 27-ին հայտարարեց, որ վարակված են Կլեման Լանգլեն ու Դանի Ալվեսը, իսկ դեկտեմբերի 28-ին պարզ դարձավ, որ կորոնավիրուսի դրական թեստ է հանձնել նաև Ժորդի Ալբան։

Այսօր` դեմտեմբեր 29-ին էլ հայտնի դարձավ, որ ևս 4 ֆուտբոլիստներ` Ալեխանդրո Բալդեն, Գավին, Սամուել Ումտիտին և Ուսման Դեմբելեն նույնպես վարակված են կորոնավիրուսով։

Կատալոնական ակումբի մամուլի ծառայությունը հայտնում է, որ այս ֆուտբոլիստների մոտ հիվանդությունն ընթանում է առանց բարդացումների, իսկ նրանք ինքնամեկուսացել են։

Հավելենք, որ «Բարսելոնան» հաջորդ հանդիպումը կանցկացնի հունվարի 2-ին։ Այդ օրը «բլաուգրանասը» Լա լիգայի 19-րդ տուրի շրջանակում հյուրընկալվելիս կմրցի «Մալյորկայի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am