Բարսելոնայի նախկին խաղացողը, հնարավոր է, գլխավորի ակումբը, եթե Վալվերդեն հեռանա
«Մոնրեալ Իմպակտի» գլխավոր մարզիչ Թիերի Անրին, հնարավոր է, գլխավորի «Բարսելոնան»՝ Էռնեստո Վալվերդեի հեռանալու դեպքում։
Ինչպես տեղեկացնում է Diario Sport-ը, Թիերի Անրիի օգտին կան մի շարք փաստեր։ Առաջին՝ ֆրանսիացին հիանալի հարաբերություններ ունի կատալոնացիների ներկայիս սպորտային տնօրեն Էրիկ Աբիդալի հետ։ Երկրորդ՝ Անրին շատ ճանաչում է «Բարսելոնայի» մի շարք խաղացողների, որոնց հետ խաղացել է կատալոնական ակումբում․ Լեո Մեսսի, Սերխիո Բուսկետս, Ժերարդ Պիկե։ Երրորդ՝ «Բարսելոնայի» կազմում ներկայումս հանդես են գալիս շատ ֆրանսիացիներ։
Կատալոնական ակումբի ղեկավարությունը Անրիին դիտարկում է որպես Էռնեստո Վալվերդեի իդեալական փոխարինող, քանի որ, ըստ նրանց, նրա արյան մեջ կա ակումբի ԴՆԹ-ն։ Ակումբի նախագախ Խոսեպ Բարտոմեուն ևս շատ բարձր է գնահատում Թիերի Անրիին։
Եթե Վալվերդեն չերկարաձգի պայմանագիրը, որը նախատեսված է մինչև 2020 թվականի հունիսը, իսկ եթե Անրին հաջողությունների հասնի «Մոնրեալ Իմպակտի» հետ, ապա նրա նշանակումը «Բարսելոնայի» գլխավոր մարզիչ կդառնա ավելի հավանական։
# Բարսելոնա, Էռնեստո-Վալվերդե, Թիերի Անրի