«Բարսելոնայի» մրցակիցը Գամպերի գավաթի խաղում 📸
«Բարսելոնան» Գամպերի գավաթի խաղում այս տարի կհանդիպի իտալական «Կոմոյին», հայտնում է «բլաուգրանայի» մամուլի ծառայությունը։
Հանդիպումը կկայանա օգոստոսի 10-ին` Երևանի ժամանակով 23:00-ից սկսած։
Ավելի վաղ «Բարսելոնան» հաղորդել էր, որ հանդիպումը տեղի կունենա վերակառուցվող «Սփոթիֆայ Կամպ Նոու» ստադիոնում։ Կատալոնական ակումբը նախորդ երկու մրցաշրջաններում խաղացել է Լուիս Կոմպանիսի անվան «Օլիմպիական» մարզադաշտում։
«Կոմոն» այժմ գլխավորում է «Բարսելոնայի» նախկին ֆուտբոլիստ Սեսկ Ֆաբրեգասը։
38-ամյա մասնագետը կապտանռնագույն մարզաշապիկով հանդես է եկել 2011-14 թթ., 151 խաղում խփել է 42 գոլ, կատարել 50 ասիստ։
Ժոան Գամպերի գավաթի հանդիպումն ընկերական է։ Այն անցկացվում է 1966 թվականից։
Ժոան Գամպերը «Բարսելոնայի» հիմնադիրն ու առաջին նախագահն է եղել։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# Բարսելոնա, ընկերական-հանդիպումներ, Ժոան Գամպեր, Ժոան Գամպերի գավաթ, Կոմո