«Բարսելոնայի» անվանական մրցելույթը! «Բլաուգրանան» ոչ ֆուտբոլային հաշվով ջախջախեց «Վալենսիային» 🎥

Իսպանական Լա լիգայի 21-րդ տուրում «Բարսելոնան» տնային խաղում մրցեց «Վալենսիայի» դեմ։

Կատալոնական ակումբն անհավանական հանդիպում անցկացրեց և «չղջիկներին» ջախջախեց ոչ ֆուտբոլային` 7:1 հաշվով։

Հանսի Ֆլիկի գլխավորած թիմից դուբլ գրանցեց Ֆերմին Լոպեսը, մեկական գոլ խփեցին Ֆրենկի դե Յանգը, Ռաֆինիան, Ֆերան Տոռեսը, Ռոբերտ Լևանդովսկին, իսկ մրցակցի պաշտպան Սեզար Տարեգան գրավեց սեփական դարպասը։

Հյուրերից աչքի ընկավ Ուգո Դուրոն։

«Բլաուգրանան» 42 միավորով վերադարձավ երրորդ տեղ, «Վալենսիան» ունի 16 միավոր և նախավերջինն է` 19-րդը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից