Բավարիան ցանկանում է երկարաձգել պայմանագիրը 17-ամյա ֆուտբոլիստի հետ, սակայն կան տարաձայնություններ
06/01/2021 - 01:48
«Բավարիայի» պատանի հարձակվող Ջամալ Մուսիալան, հավանական է, որ երկարաձգի պայմանագիրը մյունխենյան ակումբի հետ։ Բանակցությունների հաջող ընթացքի դեպքում կողմերը կկնքեն պայմանագիր մինչև 2025 թվականի ամառ։
«Բանակցություններն ընթացքի մեջ են․ կողմերի միջև առկա է որոշակի անհամաձայնություն, սակայն նրանք դրական են տրամադրված։ Ամեն ինչ կորոշվի մինչև փետրվարի վերջ»,- հաղորդում է Sky Deutschland-ի լրագրող Մաքս Բիլեֆելդը։
Ընթացիկ մրցաշրջանում պատանի կիսապաշտպանը «Բավարիայի» կազմում բոլոր մրցաշարերի շրջանակում մասնակցել է 16 հանդիպման՝ դառնալով 3 գոլի հեղինակ։
# Բավարիա, Բունդեսլիգա, Ջամալ Մուսիալա