Բավարիան ու Բորուսիան ճախրում են?

Գերմանական Բունդեսլիգայի 15-րդ տուրի շրջանակում արդեն ավարտվել 6 հանդիպում։

Գործող չեմպիոն Մյունխենի «Բավարիան» ընդհատեց անհաջող հանդիպումները շարքը՝ «Ալյանց Արենա» մարզադաշտում 6։1 հաշվով առավելության հասնելով «Վերդերի» նկատմամբ։

Մյունխենցիների կազմում հեթ-տրիկի հեղինակ դարձավ Ֆիլիպե Կոուտինիոն, առաջնության լավագույն ռմբարկու Ռոբերտ Լևանդովսկին դարձավ դուբլի, իսկ Թոմաս Մյուլերը՝ մեկ գոլի հեղինակ։ Հյուրերի կազմից միակ գնդակը հեղինակել է Միլոտ Ռաշիկան՝ շեշտակի հարվածով գրավելով Նոյերի պաշտպանած դարպասը։

Հանս-Դիտեր Ֆլիկի սաները վաստակեցին 27 միավոր և բարձրացան 4-րդ հորիզոնական։ «Վերդերը» 14 միավորով զբաղեցնում է 15-րդ հորիզոնականը։

Դորտմունդի «Բորուսիան» տարավ երրորդ անընդեմջ հաղթանակը։ Լուսիեն Ֆավրի սաներն այս անգամ ուժեղ գտնվեցին «Մայնցի» նկատմամբ՝ հյուրընկալվելիս խփելով 4 անպատասխան գնդակ։ Աչքի ընկան Մարկո Ռոյսը, Ջեյդոն Սանչոն, Տորգան Ազարը, ինչպես նաև Նիկո Շուլցը։

Դորտմունցիները 29 միավորով շարունակում են զբաղեցնել 3-րդ հորիզոնականը՝ առաջատար Մյունխենգլադբախի «Բորուսիային» զիջելով 2 միավոր, որը իր հանդիպումը կանցկացնի վաղը։

Ավարտված մյուս հանդիպումներում գրանցվել են հետևյալ արդյունքները․

«Հերտա» 1։0 «Ֆրայբուրգ»

«Հոֆֆենհայմ» 2։4 «Աուգսբուրգ»

«Քյոլն» 2։0 «Բայեր»

«Պադերբորն» 1։1 «Ունիոն Բեռլին»