Բավարիան երերում է. մյունխենյան ակումբը մեծ դժվարությամբ փրկվեց Զալցբուրգի դեմ խաղում🎥

Բավարիան երերում է. մյունխենյան ակումբը մեծ դժվարությամբ փրկվեց Զալցբուրգի դեմ խաղում🎥

17/02/2022 - 01:58

Չեմպիոնների լիգայի 1/8 եզրափակիչի շրջանակում «Զալցբուրգը» «Ռեդ Բուլ Արենա» մարզադաշտում մրցեց «Բավարիայի» դեմ։

Առաջ ընկնելով` նշենք, որ, չնայած մյունխենյան ակումբը հանդիպման ողջ ընթացքում ուներ ինչպես խաղային, այնպես տարածքային լուրջ առավելություն, սակայն, որքան էլ զարմանալի է, չկարողացավ կոտրել մրցակցի դիմադրությունը։

Դեռ ավելին` «ցլերը» 21-րդ րոպեին փոխարինման դուրս եկած հարձակվող Չուկվուբուիկե Ադամուի խփած գոլի շնորհիվ առաջ անցան հաշվի մեջ ու երկար ժամանակ կարողացան պահպանել առավելությունը։

Յուլիան Նագելսմանի թիմը միայն 90-րդ րոպեին կարողացավ ոչ-ոքի կորզել. աչքի ընկավ Կինգսլի Կոմանը։

Հանդիման հերոս դարձավ «Զալցբուրգի» դարպասապահ Ֆիլիպ Կյոնը, ով իր անվան դիմաց գրանցեց 8 սեյվ։

Հավելենք, որ Մաթիաս Յայսլեի սաներն ամբողջությամբ չեզոքացրել էին «Բավարիայի» գոլահար Ռոբերտ Լևանդովսկուն, ով ողջ հանդիպման ընթացքում չկատարեց ոչ մի հարված։

Այսպիսով, հանդիպումն ավարտվեց 1:1 հաշվով։

Նշենք, որ այս դիմակայության պատասխան հանդիպումը կկայանա մարտի 8-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023